150 826 ماڭعىستاۋلىق وقۋشىعا «سوڭعى قوڭىراۋ» ونلاين سوعىلادى. بۇل تۋرالى قوعامدىق كوممۋنيكاسيا ورتالىعىندا وتكەن بريفينگتە مو ءبىلىم باسقارماسىنىڭ باسشىسى اسقار سەيدالييەۆ مالىمدەدى.

بيىل 6365 وقۋشى مەكتەپ بىتىرەدى. ونىڭ ىشىندە 5931ء-ى  كۇندىزگى مەكتەپتىڭ،   434ء-ى كەشكى مەكتەپتىڭ تۇلەكتەرى.

پاندەميا جاعدايىنا بايلانىستى بيىل 9 جانە 11-سىنىپ ءبىتىرۋشى تۇلەكتەرىنە ارنالعان قورىتىندى اتتەستاتتاۋ وتكىزىلمەيدى. مەكتەپ بىتىرگەندىگى تۋرالى اتتەستاتتارعا 4 توقساننىڭ جىلدىق باعالارى قويىلادى.

11-سىنىپتا 206 وقۋشى «التىن بەلگىگە»،  326 وقۋشى «ۇزدىك اتتەستاتقا» ۇمىتكەر.

قازاقستان رەسپۋبليكاسىنىڭ ورتا ءبىلىم بەرۋ ۇيىمدارىنداعى «بىرگەمىز: تۇلەك-2020» تاقىرىبىنداعى مەكتەپ ءبىتىرۋ ءىس-شاراسىنىڭ تۇجىرىمداماسىنا سايكەس:

22 مامىر ساعات 11.00-دە - «بالاپان»، «ەلارنا» تەلەارنالارىندا 11-سىنىپ تۇلەكتەرىنە كاسىپتىك باعدار بەرۋ تۋرالى ءبىرىڭعاي تەلەساباق؛

25 مامىر ساعات 11. 00-دە - تەلەارنالاردا قازاقستان رەسپۋبليكاسى ءبىلىم جانە عىلىم ءمينيسترىنىڭ قۇتتىقتاۋى كورسەتىلەدى؛

«ءسات ساپار، جاس تۇلەك!»، «ۇستازدارعا مىڭ العىس»، «مەكتەپ-بىلىم ورداسى»، «كوڭىلدى جازعى دەمالىس» (ۇزدىك مۇعالىمدەر تۋرالى، وقۋشىلاردىڭ جەتىستىكتەرى تۋرالى، وڭىردەگى ەڭ ۇزدىك ءبىلىم بەرۋ جوبالارى تۋرالى جانە ت.ب.) سىندى ءبىلىم ماسەلەلەرىنە ارنالعان سيۋجەتتىك جەلى ۇيىمداستىرىلادى؛

25 مامىر كۇنى 1-10 سىنىپتارعا سوڭعى قوڭىراۋعاارنالعان ونلاين-سىنىپ ساعاتى وتكىزىلەدى. وعان قامقورشىلىق كەڭەستەردىڭ مۇشەلەرىن، ايماقتىڭ تانىمال تۇلعالارىن، ەلىمىزدىڭ جانە الەمنىڭ ۇزدىك ۋنيۆەرسيتەتتەرىندە ءبىلىم الىپ جاتقان جەتىستىككە جەتكەن مەكتەپ تۇلەكتەرىن، بيزنەس وكىلدەرىن جانە مەملەكەتتىك قىزمەتشىلەردى قوناق رەتىندە شاقىرىلادى.

مەكتەپ ءبىتىرۋ شارالارى ءار سىنىپتا بولەك، مەكتەپ الاڭىندا، اشىق اۋادا وتكىزىلەدى؛

تۇلەكتەر ءىس-شاراعا مەكتەپ فورماسىمەن قاتىسادى؛

مەكتەپ اكىمشىلىگى مەكتەپ ءبىتىرۋ كەشتەرىن وتكىزۋ كۇندەرى ءتارتىپ بۇزۋشىلىققا جول بەرمەۋ شارالارىن قابىلدايتىن بولادى.